
09 Sep Curoil ta inisiĆ” operashon di LPG ISO Container Terminal
E proyekto aki lo redusĆ gastunan di almasenahe di gas ku 30 mion florin riba un base anual
Willemstad – Djamars 7 di sĆØptĆØmber Ćŗltimo, den presensia di PromĆ© Minister seƱor Gilmar Pisas i Minister di Desaroyo Ekonómiko seƱora Ruthmilda
Larmonie – Cecilia, Curoil a inisiĆ” di forma ofisial operashon di su LPG ISO Container Terminal ku lo fungi komo planta di almasenahe di gas. Ku inisio di e operashon di e LPG ISO Container Terminal, Curoil ta pone un paso importante den e trayekto pa sigui halsa efisiensia den e kadena energĆ©tiko di nos pais. E invershon total di e proyekto aki ta di 3 mion florin i lo redusĆ gastunan operashonal ku 30 mion florin riba un base anual. Durante e rekorido, Minister Pisas, Minister Larmonie – Cecilia i demas invitadonan a bishitĆ” diferente lokalidat klave den e operashon i a risibĆ informashon ekstenso tokante e funshonamentu di e planta.
Despues ku na fin di desèmber 2019 e kontrato ku Refineria Isla a terminÔ, Curoil ku na e momento ei ya tabata importÔ gas for di eksterior, mester a hasi uso di e infrastruktura di Refineria di Kòrsou (RDK) i di Curaçao Refinery Utilities (CRU) pa almasenÔ gas pa uso doméstiko i komersial. E infrastruktura di e refineria ta pone ku mester importÔ i almasenÔ gas na un temperatura di -42°C. Pa transferà e gas pa tankinan di Curgas, mester hasi uso di e fasilidatnan di RDK/CRU pa keintÔ e gas na temperatura di ambiente. E método aki ta unu kostoso, partikularmente debà na e hecho ku aktualmente e refineria no ta den operashon i ta fungi komo un parke di almasenahe.
Den bista ku te na e momentonan aki no tin un operador pa e refineria i ku RDK riba término largu tin plan pa traha tankinan nobo pa almasenahe di gas, Curoil na 2019 a tuma e inisiativa pa bin ku un solushon a korto plaso. E meta di Curoil den esaki ta pa halsa efisiensia den e proseso di almasenahe i konsekuentemente baha gastunan di operashon. Despues di un periodo di anÔlisis ekstensivo di diferente alternativa i den kolaborashon ku RDK/CRU, na 2020 Curoil a start ku ehekushon di e proyekto pa konstruà e LPG ISO Container Terminal. E terminal aki ta hasi posibel pa importÔ i almasenÔ gas na temperatura di ambiente, eliminando e proseso kostoso di keinta gas. Alabes, ku implementashon di e proyekto aki, Curgas su operashon lo ta ménos dependiente di e infrastruktura di CRU/RDK.
Curoil su LPG ISO Container Terminal tin un total di 28 kònteiner ku ta keda yenÔ ku 40.800 liter kada unu. Esaki ta duna Curgas un kapasidat di almasenahe di algu mas ku 1.1 mion liter, ku ta ekivalente na aproksimadamente 3 siman di almasenahe.
Curoil ta sumamente orguyoso di por a realisƔ e proyekto aki i alabes ta keda komprometƩ pa sigui buska alternativanan pa halsa efisiensia den nos kadena energƩtiko, den koperashon ku tur partner den e kadena, na bienestar di nos komunidat.