16 Apr Curoil ta hasi kontribushon na Team di Bakunashon

Ayera 15 di aprel, den oranan di mainta, direktor di Curoil Group, sr. Yamil Lasten a hasi entrega di 30 muis na e team di bakunashon. E muisnan aki ta destiná pa e sentro di bakunashon na World Trade Center (WTC) ku for di djarason 13 di aprel último ta operashonal i tin kapasidat pa bakuná inisialmente 1500 persona pa dia, ku intenshon pa gradualmente oumentá esaki na 5000 persona pa dia. Ku entrega di e muisnan aki, Curoil ta yuda fasilitá e proseso di registrashon di personanan ku ta bin bakuná ya ku nan ta mas fásil i ergonómiko den uso ku e muispad di un laptop.

Curoil ta sostené e kampaña nashonal di bakunashon i ta invitá tur siudadano ku ta bin na remarke pa bakuná, pa informá nan mes via di e kanalnan ofisial di e benefisionan di bakunashon i bakuná pa di e forma aki nos pais i mundu henter por sali di e pandemia aki.