Curoil, moviendo ku nos Rei di Tumba!

Curoil Comfort Fuel Card pa rei di Tumba 2020

Manera ya ta un tradishon, pa e temporada di karnaval, Curoil ta hasi entrega di un fuel card na e Rei òf Reina di Tumba. E aña aki, en konekshon ku 50 aña di karnaval, esaki sigur no ta un eksepshon.

Djabièrnè último, Rei di Tumba 2020 Ray Lauffer tabata di bishita na pòmp stashon Cas Chiki i a risibí un Curoil Comfort fuel card pa e por tènk na un di e pòmp stashonnan di Curoil- St. Rosa, Colon, Muizenberg òf Cas Chiki- durante e temporada di karnaval.

E temporada aki tradishonalmente ta kargá ku presentashonnan pa e Rei di Tumba i esaki ta un di e formanan ku Curoil ku plaser ta sostené su reinado i aportá na nos fiesta kultural.