30 Mar Curoil i Curgas durante di e periodo di Covid-19

Durante di e periodo di alerta en konekshon ku Covid-19, Curoil i Curgas komo e provedornan eksklusivo di produktonan petrolero na Kòrsou i Boneiru, ta kontinuá ku servisio, pero sí redusiendo puntonan di benta i tumando medidanan di prekoushon pa salbaguardiá bo bienestar i esun di nos empleadonan.

Por fabor tuma nota di e siguiente kambionan den nos servisio na Curgas i Curoil Gas Stations. Entrante 31 di mart 2020:

• Curgas Skalo i Curgas Colon ta será te un próksimo aviso. Por hasi kompra di gas di 100 lbs na Curgas Muizenberg, Curgas Tera Kòrá, pòmp di gasolin Sta Rosa òf via nos plataforma online, www.curoil.com.
• Pa loke ta trata kompra di gas di 20 lbs, manera kustumbrá por akudí na e puntonan di benta/stashonnan di yena gas di Curgas. Pòmp di gasolin Colon ta será te un próksimo aviso. Pòmp di gasolin Sta. Rosa, Muizenberg i Cas Chikitu ta habrí pa duna servisio.
• Na e puntonan di benta ariba menshoná, Curoil/Curgas a tuma e medidanan di prekoushon nesesario pa salbaguardiá bienestar di tantu nos klientenan komo nos empleadonan;

Nos ta urgí tur kliente di Curgas i pòmpnan di gasolin di Curoil, pa mantené un distansia seif di aproksimadamente 2 meter for di otro.

• Na puntonan di benta di Curgas ku ta parti paden di un edifisio, ta permití un máksimo di 5 kliente den e lokalidat.
• Preferibel hasi pago ku tarheta di banko.
• Nos ta desinfektá nos aparato- i ekiponan regularmente.
• Por fabor sigui instrukshon di nos personal na e puntonan di benta.

Curoil/Curgas lo sigui monitoriá e desaroyonan rondó di Covid-19 di aserka i ta enfatisá ku tin sufisiente produkto almasená pa por keda brinda nos komunidatnan un servisio optimal.