Welcome Guest 
You are here:Community & Society
Whats More


Curoil supports Stinapa Rangers Bonaire

TEXT IN PAPIAMENTU! Curoil ku un mihó pòmp stashon na Rincon i donashon na Rangers Kralendijk – Durante un rekorido na Boneiru, Gerente General di Curoil, sr. Gensley Capella huntu ku Diputado Pancratio Cicilia i algun miembro di Hunta di Komisario di Curoil, a bishitá diferente trabou den kuadro di distribushon, i operashon di kombustibel i a hasi entrega di un donashon na Bonaire Rangers di Stinapa. Renobashon Despues ku Curoil a renobá e pòmp di gasolin na Rincon pa un mihó pòmp, moderno i efisiente, e bishita na e pòmp a representá un momento simbóliko di apertura. Habitantenan di Rincon por konta ku un pòmp kompletamente renobá ku servisio di tènk 24 ora. Sr. Gensley Capella, Gerente General di Curoil a para ketu na e renobashon di e lokalidat kual ta un refleho direkto di loke Curoil ta manifestá den su maneho. Pa sirbi e konsumidó mihó Curoil a skohe pa hasi invershon dor di kumpra i renobá e lokalidat di pòmp stashon na Rincon di forma ku realmente ta agregá balor na e eksperensia di e kliente, ku por konta ku un pòmp di gasolin kompletamente ekipá pa hasi su pedidanan di kombustibel i gas. Apresio na trabou di Rangers E apertura simbóliko a konsistí di entrega di un chèk na balor di 5 mil florin na Rangers di Stinapa. Un di e pilánan di maneho di Curoil ta yuda preservá e medio ambiente i na Boneiru Stinapa komo e instansia pa preservá i kuida medio ambiente ta meresé aporte. Pa demonstrá esaki, Curoil a entregá un chèk na balor di 5 mil florin pa kontribuí na e trabounan di Bonaire Rangers. Diferente Rangers representando Stinapa, huntu ku Manager di BNMP (Bonaire National Marine Park) den kompania di Diputado Pancratio Cicilia, a risibí e gesto aki for di man di gerente General di Curoil sr. Gensley Capella. Tambe durante e bishita di trabou a hasi un bishita di kortesia na e planta di turbina di bientu i e planta di produkshon di energia ku ta den konstrukshon na Boneiru. Hasiendo esaki a haña un impreshon amplio di e trabounan ku ta andando pa suministrá pueblo di Boneiru ku otro alternativa pa energia i tambe tuma nota kon Curoil tin ku bai hasi entrega di kombustibel pa e parti di produkshon banda di BOPEC. Riba potrèt por mira momentu ku Direktor di Curoil sr. Gensley Capella a hasi entrega di e chèk na Diputado Cicilia i Rangers di Stinapa. LESA MAS DI STINAPA

read more